《金龍》於2010年首演，劇中由五名演員分別飾演十五個角色。故事講述在一間中式／泰式／越南料理餐廳的廚房裡，擠了五個亞裔黑工，其中一個年輕人突然牙痛，卻不能去看牙醫；而就在餐廳樓上的公寓大廈裡，分別住了不同的人：一個想年青多一次的老人家、他那剛剛懷孕的孫女和孫女男友、一個妻子有外偶的男人、雜貨店老闆、兩個空姐，劇中同時亦穿插著蟋蟀和螞蟻的寓言故事。全劇共四十八場，，每一場都很短，換景迅速，時空與虛實互相交叠發展。同時劇中演會不斷在角色和敘事者之間轉換，在投入和抽離之間，製造了複雜的陌生化效果。
人物表：
| 年輕男人 | 爺爺、亞洲男子、女侍應、蟋蟀 |
| 60歲女人 | 孫女、亞洲女子、螞蟻、雜貨舖老闆Hans |
| 年輕女人 | 穿直條裇衫的男人、牙痛的亞洲男子、Barbie Fucker |
| 60歲男人 | 孫女男女、亞洲男子、空姐Eva |
| 男人 | 穿紅裙的女人、亞洲男子、空姐Inga |
1.
男人、60歲女人、年輕男人、年輕女人、60歲男人
| 男人 | 金龍。
傍晚。
殘餘嘅盛夏陽光由玻璃窗透落餐枱上面。
喺一間中式／泰式／越南快餐店嘅細小廚房裡面，有五個亞洲人。 |
| 年輕女人 | 一個年輕中國藉男子俾佢嘅牙痛搞到痴晒線：
（驚慌）好痛、好痛、好痛——
（年輕女人痛得大叫） |
| 年輕男人 | 唔好嗌，唔好嗌。
（年輕女人痛得大叫） |
| 年輕女人 | 好痛—— |
| 60歲女人 | 佢好辛苦 |
| 60歲男人 | 個靚仔真係痛到好辛苦。 |
| 年輕男人 | 唔好嗌——唔好嗌。 |
| 男人 | 叫佢唔好嗌，但係佢而家痛到剩識得嗌；係咁嗌，真係嗌晒救命咁嗌——
（年輕女人痛得大叫）
（60歲女人在鍋裡炒麵，發出滋滋的聲音） |
| 年輕女人 | 好痛呀——我隻牙真係好痛—— |
| 60歲男人 | 喺呢間中式／泰式／越南快餐店嘅廚房仔入面，我地就係咁樣圍住個靚仔，企咗喺度。唔好嗌——佢真係嗌到呢—— |
| 60歲女人 | 83號Pat Thai Gai；泰式雞肉炒河，雞蛋、雞肉、芽菜、沙嗲醬，中辣。 |
| 男人 | 牙痛。 |
| 60歲男人 | 個靚仔牙痛。
（年輕女人痛苦地呻吟） |
| 年輕男人 | 兜吓佢，繼續兜多幾嘢。
（60歲女人兜一兜炒菜鍋） |
| 60歲男人 | 呢個靚仔。 |
| 年輕男人 | 前面靠窗十一號枱有兩位空姐坐低咗。您好呀。
（年輕女人痛苦地呻吟） |
| 60歲男人 | 唔好再嗌啦—— |
| 男人 | 第一位空姐話：
Guten Tag. (您好) |
| 60歲男人 | 第二位空姐話：
Guten Tag. (您好) |
| 年輕男人 | Guten Tag. (您好) |
| 60歲女人 | 嗰隻牙一定要剝咗佢。 |
| 年輕男人 | 兩位使唔使嗌啲咩飲先？ |
| 年輕女人 | 頂唔順，我隻牙呀，頂唔順喇，好痛呀！ |
（……）
編按：譯本曾於2013年9月6 – 8日在香港文化中心劇場演出。新文本資料庫「參考服務」提供本英語劇本借閱。
