《幹掉她》於1997年寫成，全劇由十七場構成。各場看似毫無關係，但其中都是以不同方式對一個名叫Anne的人物評頭品腳，而Anne卻從未在劇中出現。以下所選的乃是第九場，其中所出現的商標符號（™）皆為原劇本所有，另對白中所出現另一角色的對白，原劇本亦為如此。
第九場 世界恐怖主義™之威脅
| Ｆ： | 佢睇起來一D都唔關心。佢完全冇良知。佢一D悔意都冇。佢話：「我唔／Ｍ：承認你既權威。」 |
| Ｈ： | 「我唔承認你既權威。」咁即係咩意思？佢以為自己係邊個？佢真係以為佢殺人唔駛填命？佢真係以為有方法可以合理化佢o個D任意，又無意義既暴力行為？佢雙眼裡面你睇唔到一絲／Ｍ：人既情感。 |
| Ｘ： | 一絲都冇 – 冇錯 – 一絲人既情感或者羞恥心都冇。呢個仲係咪當年既小妹妹？呢個仲係咪當年o個個著住粉紅格仔傘裙，戴住草帽，同其他小妹妹一齊返學，個個既爸爸唔係醫生、牙醫、電視主持就係地產發展商，o個個細路？間學校係山頂，D銅碟省到令立立，老師著住絨裙。呢個仲係咪當年o個個細路？有Barbie ™，阿Ken ™，同所有衫仔：o個D好細件好細件既底褲仔，同好細隻好細隻既鞋仔。有屋仔，有馬仔，同Barbie ™／ Ｆ：自己架車仔？ |
| Ｍ： | 呢個仲係咪當年細個既Anne？會將所有好細好細既鞋仔排好一行行，將所有好細好細既公仔排好一行行，同所有好細好細隻既穿珠仔排好一行行，而且仲會每晚向神™祈禱，／Ｈ：完全一絲既諷刺意思都冇。 |
| Ｍ： | 佢會向神™祈禱「神™保佑媽咪，神™保佑Daddy，神™保佑Wiggy貓貓，神™保佑所有人」 一D 諷刺既意思都冇，而係深深相信佢只要跪係度，著住米妮™睡衣，就可以求得聖父，聖子／Ｆ：聖靈既祝福。 |
| Ｘ： | 阿門。 |
| Ｆ： | 係咪同一個Anne？佢每晚都喊濕張床。直至同佢一樣都失眠既父母帶佢去睇醫生。o係又高又凍既皮床上面，醫生夾著一大疊雜誌，會一路咪咪笑一路拉低Anne既底褲，然後話：「Anne，我地一齊睇一下，／Ｈ：好唔好？」 |
| Ｘ： | 仲係咪當年既Anne，由醫院走出來o個陣，帶住一個木盒，裡面裝住一個用來擺o係床邊既鈴鈴，兩個硬身既四方鐵絲網同埋一D／Ｈ： 黑色鐵線？ |
| Ｍ： | 係咪同一個Anne？之後每一晚扎醒，個D恐怖既鈴聲，o係恐怖既／Ｆ：濕左既床單上面？ |
| Ｈ： | 係咪同一個Anne– 咩話？– 企左係o個度？企左係o個度，企左o係一臉嚴肅既男人同女人面前。佢地有目擊者同密封o係膠袋度既證據 – 假護照，同人肉殘渣 – 佢企左係o個度而且拒絕／ Ｆ：承認佢地既權威? |
| Ｈ： | 人肉殘渣，假護照，人名名單，爆炸品既殘餘，電話錄音，銀行、商場同自動櫃員機既錄影帶。精神報告確定佢智商正常，神智清醒。報告話：「佢執行佢既行動，抽離、冷靜到簡直好似一個藝術家一樣。」目擊者崩潰／Ｘ：大喊。 |
| Ｈ： | 目擊者崩潰而泣。當銀行同商場錄影帶播出Anne就好似其他人一樣做緊日常生活既事，而就係鏡頭監察之下，20分鐘之後，Anne離開現場，突然畫面上可以見到，個間鞋鋪既玻璃窗o係完全靜默之下爆破，一D灰色既物體o係完全靜默之下o係空中飛散，可以見到好細隻好細隻既鞋仔飛過，玻璃碎混雜住人既殘渣。無人知道／Ｍ：佢既動機。 |
| Ｘ： | 無人知道Anne既動機。 |
| Ｆ： | 佢自己一個人住？ |
| Ｈ： | 佢自己一個人住。 |
| Ｍ： | 佢自己一個人做野？ |
| Ｈ： | 佢自己一個人做野。 |
| Ｍ： | 佢自己一個人瞓？ |
| Ｈ： | 睇黎應該係。 |
| Ｆ： | 殺人／Ｘ：都係自己一個？食飯呢？ |
| Ｍ： | 佢住呀，做野，瞓覺，殺人同食飯都完全係得自己一個。事實上，佢幾乎所有電話錄音都係叫外賣送到佢租既單位，望出去可以見到大城市繁華既街道。一個大批，蒜蓉包同一支1.5公升既百事Diet ™都只係9磅／Ｈ：9毫9。 |
| Ｘ： | 呢D電話一開始以為係／Ｍ：暗號。 |
| Ｆ： | 無錯，呢D電話一開始仲以為係暗號，結果原來只係叫外賣，然後佢將D現金俾揸住電單車送到門口既外賣仔。 |
| Ｍ： | 呢個仲係唔係以前細細個既Anne？而家既佢令目擊者崩潰大喊。而家既佢令男男女女既調查人員都要接受心理輔導。佢地半夜標冷汗，不舉，月經失調，手震，仲有不停記起好似慢動作咁慢慢爆開既人頭，同o個個被埋住救唔到出來既細路。佢喊得好悽涼。就係咁一幕幕重播住o個個咁樣既世界。 |
| Ｆ： | 佢地有幻聽? |
| Ｈ： | 係。而且佢地而家要求／Ｍ：賠償。 |
| Ｘ： | 係咪同一樣既Anne，當鐘響既時候佢著住一身／Ｆ：濕立立既睡衣，／起身睇住栗子樹既影子o係睡房既牆上面移動。 |
| Ｆ： | 係咪同一樣既Anne，一邊可以好精密咁將計時器同水銀開關焊接到電路版，一邊成口都係／Ｍ：pizza？ |
| Ｘ： | 佢總括左一整個世代／Ｈ： 既情緒。 |
| Ｍ： | 佢兩次上Vogue ™雜誌／Ｆ：封面。 |
| Ｈ： | 佢賣電影版權賺左250萬／Ｆ：美金。 |
| Ｘ： | 佢好認真咁研究處理行李既程序，同記熟晒主要國際航空公司既／Ｈ：時間表。 |
| Ｍ： | 佢係（開引號）「一個孤獨者」／Ｈ： （關引號）。 |
| Ｆ： | 佢（開引號）「面無表情地」（關引號）聽緊關於佢既叙述，全部都係她所犯下一次又一次既（開引號）「暴行」（關引號），（開引號）「暴行」（關引號），（開引號）「暴行」（關引號），（開引號）「暴行」（關引號）。 |
編按：譯本曾於2011年5月21 – 29日於前進進牛棚劇場演出。新文本資料庫「參考服務」提供本英語劇本借閱。
