2009年上演的《七個猶太小孩》全劇只有十分鐘，乃是邱琪兒對2008年底「以色列襲擊加薩地帶」事件所作的回應，劇作的副題是「一個關於加薩的劇」（a play about Gaza），全劇沒有角色，而只是一大堆以「跟她說」（Tell her）或「別跟她說」（Don’t tell her）開始的對白。全劇共有七段，這裡所選的為第二及第四段。

2

同佢講呢張相裏面嘅係佢嫲嫲，佢叔叔同埋我
同佢講佢叔叔已經死咗
唔好同佢講佢哋係被殺嘅
同佢講佢哋係被殺嘅
唔好嚇親佢
同佢講佢嫲嫲好叻
唔好同佢講佢哋做咗啲乜
同佢講佢好勇敢
同佢講佢教過我點整蛋糕
唔好同佢講佢哋做咗啲乜
同佢講一啲嘢
同佢講多啲嘢，等佢大個啲之後
同佢講有人係憎猶太人嘅
唔好同佢講
同佢講已經過咗去喇
同佢講仲有人係憎猶太人嘅
同佢講有人係愛猶太人嘅
唔好叫佢諗係唔係猶太人呢個問題
同佢講多啲野，等佢大個啲之後
同佢講幾多，等佢大個啲之後
同佢講呢啲係佢出世之前嘅事，佢而家並唔危險
唔好同佢講呢度嘅安全有咩問題
同佢講我哋愛佢
同佢講無論係生係死 佢嘅家人一樣都咁愛佢
同佢講佢嫲嫲會為佢而自豪

4

唔好同佢講佢哋係邊個
同佢講一啲野
同佢講佢哋係貝都因人，係遊牧民族
同佢講沙漠裏面嘅駱駝同椰棗嘅事
同佢講佢哋住帳幕
同佢講嗰度並唔係佢哋屋企
唔好同佢講屋企，唔係屋企，同佢講佢哋要走架喇
唔好同佢講佢哋唔鍾意佢
同佢講要小心
唔好同佢講邊個曾經住過呢間屋
唔好，唔好同佢講佢嘅曾曾曾袓父曾經住係呢間屋
亦都唔好同佢講阿拉伯人以前就係瞓喺佢間房
同佢講唔可以對佢哋無禮貌
同佢講唔駛驚
唔好同佢講佢唔可以同嗰啲小朋友玩
唔好同佢講佢唔可以招呼佢哋嚟屋企
同佢講佢哋有好多朋友同屋企人
同佢講佢哋嘅領土好大好大
再三同佢講呢度就係我哋嘅應許之地
唔好同佢講佢哋話呢度係一個無人地帶
唔好同佢講如果我早知結果會係咁我唔會嚟
同佢講我哋或者可以互相分享
都係唔好同佢講

編按：譯本曾於2010年4月8 – 11日於前進進牛棚劇場作讀劇演出。本英語劇本可於以下連結下載。